Мэта і задачы на 2023/2024 навучальны год
Мэта: стварэнне аптымальных умоў для забеспячэння якасці адукацыі і ўдасканалення адукацыйнага асяроддзя, якое садзейнічае развіццю асобы вучня і настаўніка, іх індывідуальных здольнасцей, кампетэнцый і фарміраванню патрыятызму, актыўнай грамадзянскай пазіцыі.
Задачы:
- Стварыць умовы для забеспячэння вынікаў адукацыйнага працэсу патрабаванням дзяржаўных стандартаў на ўсіх ступенях агульнай сярэдняй адукацыі праз рэалізацыю кампетэнтнаснага падыходу ў выкладанні вучэбных прадметаў, развіццё інфармацыйнага асяроддзя, арганізацыю дапрофільнай падрыхтоўкі, прымяненне актыўных метадаў і прыёмаў работы з вучнямі рознага ўзроўню матывацыі да навучання.
- Павышаць ўзровень прафесійнай кампетэнтнасці педагогаў праз удасканаленне сістэмы работы вучэбна-метадычных аб’яднанняў, актывізацыю дзелавой ініцыятывы, творчага падыходу да справы.
- Удасканальваць адаптыўнае адукацыйнае асяроддзе для дзяцей з асаблівасцямі псіхафізічнага развіцця пры рэалізацыі адукацыйных праграмах спецыяльнай адукацыі ва ўмовах інтэграванага навучання і выхавання, развіваць інклюзіўную культуру ва ўсіх удзельнікаў адукацыйнага працэсу.
- Удасканальваць сістэму выхавання, якая забяспечвае фарміраванне ў вучняў і выхаванцаў духоўна-маральных каштоўнасцей, здаровага ладу жыцця, культуры харчавання, грамадзянскасці, патрыятызму, адказнасці, працавітасці праз скаардынаванае ўзаемадзеянне ўсіх аб’ектаў адукацыйнага працэсу.
- Працягваць работу па мадэрнізацыі і абнаўленні матэрыяльна-тэхнічнай базы ўстановы адукацыі, аснашчэнні сучаснымі сродкамі навучання і вучэбным абсталяваннем, забеспячэнні бяспекі адукацыйнага працэсу праз прыцягненне пазабюджэтных і спонсарскіх сродкаў.